З-за ўзгарання дарожна-разметачнай машыны рабочы трапіў у рэанімацыю
Машына згарэла / t.me/mchs112by/
З-за ўзгарання дарожна-разметачнай машыны "Контур" рабочы трапіў у рэанімацыю. Здарэнне адбылося раніцай у пятніцу ў Слоніме.
Як паведамляюць ратавальнікі, каб пазбегнуць застойвання фарбы рабочыя планавалі пераліць яе з фарбавальнага пісталета ў бачок. У нейкі момант адбылася ўспышка і на адным з рабочых загарэлася адзенне. Яго калега самастойна справіцца з узгараннем не змог і выклікаў ратавальнікаў, а таксама медыкаў. Яны ліквідавалі ўзгаранне.
Пацярпелы ў цяжкім стане шпіталізаваны ў рэанімацыйнае аддзяленне раённай бальніцы.
