Затрыманую ў нядзелю ў Мінску актрысу Алену Гіранок аштрафавалі

Затрыманую ў нядзелю ў Мінску актрысу Алену Гіранок аштрафавалі на 810 рублёў за "парушэнне парадку арганізацыі і правядзення масавых мерапрыемстваў". Рашэнне вынес суддзя Першамайскага суда сталіцы Максім Трусевіч.

Гіранок ужо затрымлівалі падчас Марша 26 кастрычніка. Тады яе ноч пратрымалі ў міліцыі.

Алена Гіранок — актрыса Тэатра-студыі кінаакцёра. Адна з апошніх яе работ у кіно — роля жонкі Янкі Купалы Уладзіславы ў аднайменным фільме Уладзіміра Янкоўскага.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.