Зяленскі прысвоіў Героя Украіны байцу, расстралянаму за "Слава Украіне!"
Аляксандр Маціеўскі — Герой Украіны
Украінца, расстралянага пасля воклічу "Слава Украіне!", клічуць Аляксандрам Маціеўскім. Сёння ўвечары гэтае імя афіцыйна назвала СБУ, а Уладзімір Зяленскі пасмяротна прысвоіў вайскоўцу званне Героя Украіны
"Салдату. Чалавеку, якога будуць ведаць усе ўкраінцы. Чалавеку, якога будуць памятаць вечна. За яго смеласць, за яго ўпэўненасць — у Украіне — і за яго "Слава Украіне", — заявіў Зяленскі.
Аляксандр Маціеўскі быў снайперам. У лістападзе яго падраздзяленне перакінулі пад Бахмут. У сярэдзіне снежня 2022 года Маціеўскі знік без вестак. Цяпер вядома, што 30 снежня яго расстралялі. А ў лютым 2023 года цела вайскоўца вярнулі дадому.
