З'явіліся паштовыя маркі, прысвечаныя 100-годдзю беларускай міліцыі

Міністэрства сувязі Беларусі выпусціла ў абарачэнне блок з дзвюх паштовых марак. Гэта падарунак да 100-годдзя беларускай міліцыі. Наклад складае 15 тысяч асобнікаў.

Як адзначае тэлеканал "Беларусь 1", мастацкай асновай сталі выявы эмблемы і будынка галоўнага міліцэйскага ведамства. Праект прадстаўлены двума знакамі круглай і прамавугольнай формы. Для вырабу было выкарыстана цісненне залатой фальгой і перфарацыя. Урачыстае гашэнне маркі правялі міністр унутраных спраў Ігар Шуневіч і кіраўнік Мінсувязі Сяргей Папкоў.

Папкоў адзначыў, што выданне марак — гэта адзін з аспектаў папулярызацыі нашай дзяржавы ў свеце. За часы незалежнай Беларусі было выпушчана 1180 узораў марак. Шуневіч назваў сённяшнюю падзею гістарычнай.