Ініцыятыўную групу Алеся Таболіча зарэгістравалі пад 13-м нумарам

ЦВК зарэгістраваў ініцыятыўную групу па вылучэнні кандыдатам у прэзідэнты Беларусі музыкі Алеся Таболіча. Яна атрымала 13-ы нумар. У групе 116 чалавек.

Старшыня Цэнтрвыбаркама Лідзія Ярмошына з прыемнасцю называла яго "Аляксандрам Рыгоравічам".

Таболіч падзякаваў, "што прынялі дакументы". "Будзем змагацца далей", — сказаў музыка. Ён падкрэсліў, што з'яўляецца прадстаўніком творчай інтэлігенцыі, якіх пакуль сярод прэтэндэнтаў не было.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.