"Мутнаевока" стварыла альбом пра чалавечыя душы і запрашае на яго прэзентацыю
У беларускіх нашчадкаў Курта Кабэйна, гурта "Мутнаевока" напрыканцы сакавіка выйшаў новы альбом "Метро". А 24 траўня музыкі плануюць прэзентаваць яго на вялікім канцэрце ў рок-клубе TNT.
Музыкі кажуць, што 9 трэкаў кружэлкі напісаныя ў розныя гады, але на адным дыханні. А "Метро" — гэта як метафара чалавечых душ.
"Песні маюць у асноўным характар асабістых перажыванняў аўтара, аднак гэтыя пачуцці знаёмыя кожнаму, хто шукаў, знаходзіў, расчароўваўся, марыў, кахаў, правяраў рэальнасць на наяўнасць рэальнасці і мужна выносіў удары лёсу", — распавядае Яўген Змушка.
Дарэчы, на альбом "Метро" музыкі збіралі грошы праз краўдфандынг.
3 траўня лідар гурта Яўген Змушка завітае на Еўрарадыё і зладзіць невялікі акустычны канцэрт з новымі песнямі ў жывым эфіры. Не прапусціце!
