Apple Tea дапрацуюць The Beatles да джазу

20 лістапада ў клубе "Мулен Руж" пройдзе вялікі трыб'ют-фестываль "Мы любім Бітлз". Выконваць песні ліверпульскай чацвёркі будуць гурты Artefact, The Apples і Apple Tea. Для мінчукоў першыя два калектывы папулярныя менавіта дзякуючы клубным выступам з каверамі на "бітлоў". А вось самы вядомы беларускі джазавы калектыў рыхтуе адпаведную новую праграму.

"Якія-небудзь песні The Beatles з крыху перапрацаванай аранжыроўкай, устаўленыя джазавыя акорды і сола паміж уступам і кодай, - распавядае пра будучы выступ бубнач калектыву Аляксандр Сапега. - Мы спяваем песні The Beatles, але калі мы граем джазавую праграму, то жаданне больш граць, чым спяваць. Новая праграма невядомая ўвогуле. Ёсць, праўда, старыя п'есы, якія мы рабілі для "Бітлз-фэста", які раней праходзіў штогод. Але там быў іншы клавішнік, таму паловы яго ранжыровак, хутчэй за ўсё, таксама не будзе".

Падчас канцэрта ў клубе пройдзе выстава габеленаў "Бітлз на заўсёды" мастачыкі Марыі Барысенка. Таксама плануецца зрабіць кардонныя фігуркі ліверпульскай чацвёркі ў поўны рост, каб наведвальнікі маглі з імі сфатаграфавацца.

Пачнецца фестываль у 18 гадзін а скончыцца толькі ў 22:00, але арганізатары раяць не спазняцца бо незвычайны сэт ад Apple Tea, хутчэй за ўсё, будзе першым. Зараз квіткі на мерапрыемства каштуюць 60 тысяч, на месцы будзе 70, ну а абмежаванае месца за столікамі на другім паверсе - 120.

Тэлефон для даведак: +375 (25/29/33) 638-4444

• текст

БОЛЬШ ПА ГЭТАЙ ТЭМЕ

• Саксафаніст Apple Tea падзяліў свае партыі з саксафаністкай Шэйлай Купер
• Apple Tea заняліся дабрачынным выхаваннем талентаў (Фота, відэа)
• Apple Tea запішуць песні сёлетняй выпускніцы Універсітэта Культуры
• На акардэоне можна сыграць усё, нават саўндтрэк да “Супер-Марыа”
• Аляксей Шадзько адсвяткаваў юбілей і прэзентаваў 5 новых песень (фота+гук)
• Тэса Сутэр і Apple Tea пераасэнсавалі класікаў
• Тэса Сутэр і Apple Tea пагрузяць слухачоў у музыку Шапэна,Альбіноні, Равэля