Фёдара Мірзаянава ўсё яшчэ не адпусцілі з міліцыі
Раніцай да былога палітвязня прыйшлі міліцыянты і без тлумачэнняў павезлі ў Ленінскі РАЎС.
Праз некаторы час маці Фёдара Мірзаянава даведалася, што хлопца нібыта выклікалі на допыт у якасці сведкі на нейкай крымінальнай справе. Але сутнасць гэтай справы ў міліцыі не патлумачылі. Мірзаянава паабяцалі адпусціць, але не сказалі, калі менавіта. Сваякі мяркуюць, што яго пратрымаюць гадзіны да восьмай вечара, каб не трапіў на акцыю салідарнасці, перадае Радыё Свабода.
Каля пятай гадзіны дня стала вядома, што хлопца з Ленінскага райаддзелу міліцыі адвезлі ў лякарню з галаўным болем.
