Фотарэпартаж з "Чарнобыльскага шляху" ў Мінску (+відэа)
Традыцыйная акцыя прайшла ў цудоўнае надвор'е і сабрала да 2 тысяч чалавек.
"Чарнобыльскі шлях-2012" быў дазволены Мінгарвыканкамам.
Удзельнікі збіраліся на пляцоўцы каля Нацыянальнай Акадэміі Навук.
Над дэманстрантамі было шмат сцягоў — нацыянальныя, еўрапейскія, партыйныя.
Калона паварочвае з праспекта Незалежнасці на вуліцу Сурганава.
Пазней міліцыянты прыйшлі ў кватэру Валянціны Двараковай, завезлі яе ў пастарунак, дзе ў дзяўчыны знялі адбіткі пальцаў. Супраць яе склалі пратакол за "парушэнне парадку арганізацыі і правядзення масавых мерапрыемстваў" (так яны ацанілі бела-чырвона-белы сцяг у яе руках) і адпусцілі.
Удзел у акцыі прадстаўнікоў сэкс-меншасцяў адзначыў тэлеканал "Беларусь-1".
Не ўсе ўдзельнікі шэсця захацелі праходзіць праверку, каб патрапіць на пляцоўку, дзе праходзіў мітынг. Напрыклад, туды не пайшлі восем расіянаў, якія вырашылі ехаць на чыгуначны вакзал і былі затрыманыя на прыпынку. Пасля праверкі дакументаў іх адпусцілі.
Паводле звестак праваабаронцаў, агулам пасля акцыі ў сталіцы былі затрыманыя каля 40 чалавек. Восем расіянаў і дзве беларускі неўзабаве былі адпушчаныя. Сярод тых, хто заставаўся ў ліку 30 чалавек у Савецкім РУУС — Мікола Дземідзенка, Міхась Мускі, Раман Васільеў.
