Мінабароны: Замежныя самалёты не парушалі нашу паветраную мяжу
Сёння шэраг шведскіх СМІ паведамілі пра скідванне агітацыйных цацак над Мінскам — каля 800 плюшавых мядзведзяў.
Нібыта, раніцай 4 ліпеня гэта здзейсніў самалёт, які на малой вышыні прыляцеў з Літвы. Да цацак былі прымацаваныя лозунгі ў падтрымку свабоды слова і дэмакратычных працэсаў у нашай краіне.
Арганізатары акцыі, а таксама выканаўцы не называюцца.
Як паведамілі "Интерфакс-Запад" у Міністэрстве абароны Беларусі, ніякіх парушэнняў паветранай мяжы нашай краіны не было.
На здымку: Ілюстрацыя з сайта thelocal.se
