Руслан Усціменка будзе даказваць у судзе Гомеля, што не лаяўся матам

На сёння перанесены суд над Русланам Усціменкам, затрыманым ў Гомелі падчас акцыі "Рэвалюцыя праз сацыяльныя сеткі". Учора ў судзе Цэнтральнага раёна Гомеля пачаўся разгляд яго справы. Руслана абвінавачваюць ў тым, што ён "выкрыкваў антыўладныя лозунгі і лаяўся матам".

У сувязі з тым, што Руслан адмаўляе сваю віну, суд перанесены на сёння і пачнецца а 11-й гадзіне (кабінет № 24). Руслан шукае сведкаў таго, што ён не лаяўся матам і не аказваў супраціву міліцыянтам.