У Барысаўскім раёне мікрааўтобус трапіў пад лесавоз, кіроўца ў рэанімацыі

У Барысаўскім раёне мікрааўтобус сутыкнуўся з лесавозам. Як паведамляе міліцыя, здарэнне адбылося ў панядзелак каля 16-й гадзіны на развязцы М1 і трасы на Беразіно (Р67). Volkswagen Transporter нечакана апынуўся на паласе сустрэчнага руху, дзе сутыкнуўся з грузавіком МАЗ.

63-гадовы кіроўца мікрааўтобуса атрымаў траўмы, ён знаходзіцца ў рэанімацыі.