У Хойніках з-пад зямлі забіў "брудны гейзер"
"Гейзер" у Хойніках / homeldays.org
"Брудны гейзер" забіў з-пад зямлі на адной з вуліц Хойнікаў. Відэа з ім мясцовыя жыхары выклалі ў лакальным чаце, заўважыў сайт "Штодзень Гомель".
Адзін з карыстальнікаў, які часцяком рэагуе на камунальныя праблемы горада, каротка пракаментаваў паходжанне гэтай з'явы: "Прамыўка сетак".
Фантан б’е вышэй за бліжэйшы плот, а ніякай агароджы вакол няма. Брудная вада трапляе і на машыны, якія ідуць міма, і пагражае мінакам.
Дарэчы, прамыўкай трубаў улады тлумачаць перыядычную адсутнасць вады ў некаторых дамах Хойнікаў. Прычым завяршыць працэдуру плануюць толькі 7 траўня — "у сувязі з вялікім забруджваннем трубаў".
