Зяленскі адмяніў візіты ў Партугалію ды Іспанію праз сітуацыю на Харкаўшчыне
Уладзімір Зяленскі і прэм'ер-міністр Іспаніі Пэдра Санчас у Кіеве / Офіс прэзідэнта Украіны
Прэзідэнт Украіны Уладзімір Зяленскі адмяніў паездкі ў Партугалію і Іспанію, паведамляе hromadske.ua са спасылкай на мясцовыя СМІ.
Падчас гэтага візіту кіраўнік Украіны планаваў падпісаць пагадненне аб бяспецы. Прычыну адмены ўкраінскі бок не назваў. У СМІ мяркуюць, што на гэтае рашэнне паўплывала складаная сітуацыя на фронце ў Харкаўскай вобласці.
Як распавядала Еўрарадыё, Генштаб УСУ напярэдадні паведаміў, што ўкраінскія войскі пад Ваўчанскам адышлі "на больш выгадныя пазіцыі".
Паводле звестак СМІ, Зяленскі ўжо не першы раз пераносіць паездку ў Іспанію і Партугалію.
