З'явілася відэа канцэрта Port Mone перад украінскімі вайскоўцамі (глядзець)
У заблакаванай у Крыме вайсковай частцы беларускія музыкі сыгралі паўнавартасны сэт.
"Мы афігелі. Таму што мы адыгралі паўнавартасны канцэрт. І афіцэры кажуць: "Дзякуй, мужыкі!". І мы такія: "Дзякуй, мужыкі". Разумееш? Тое, што яны рабілі б аўтаматам, мы рабілі сваімі інструментамі", — дзеліцца лідар гурта Аляксей Варсоба ўражаннямі ад канцэрта.
Варсоба распавёў Еўрарадыё, што выступіць перад вайскоўцамі іх папрасілі сябры. Але ўвогуле, мала якія музыкі вырашаюцца на падобны крок: баяцца.
