БАТЭ прайграў “Слуцку” і адкаціўся на трэцяе месца

Барысаўскі БАТЭ прайграў “Слуцку” ў 8-м туры чэмпіянату Беларусі па футболе сярод каманд вышэйшай лігі. Гульня адбылася 14 траўня ў Слуцку ў скончылася для гаспадароў поля перамогай — 1:0.

Цяпер “Слуцк” займае 2-е месца ў турнірнай табліцы, а БАТЭ адкаціўся на трэці радок. На першым месцы апынулася мінскае “Дынама”, якое сёння мінімальна выйграла ў брэсцкіх аднаклубнікаў — 1:0.

Таксама сёння згулялі “Віцебск” і “Мінск” — 3:0.

У панядзелак, 15 траўня, пройдуць наступныя матчы: “Нафтан” — “Гарадзея”, “Дняпро” — “Гомель”, “Тарпеда-БелАЗ” — “Нёман”, “Іслач” — “Шахцёр”.

Скончыцца тур 16 траўня матчам “Крумкачы” — “Славія”.