Беларуса, які вярнуўся на радзіму, асудзілі за ўхіленне ад прызыву
Вайскоўцы, ілюстрацыйнае фота / "Ваяр"
25-гадовага жыхара Карэліцкага раёна пасля вяртання ў Беларусь асудзілі на 6 месяцаў "хіміі", паведамляе прэс-служба Генпракуратуры.
Хлопца прызналі вінаватым ва ўхіленні ад мерапрыемстваў па прызыве на вайсковую службу. Паведамляецца, што ён хлопец стаяў на ўліку ў ваенкамаце. 22 траўня 2023 года ён не з'явіўся на медкамісію ў ваенкамат, а 1 чэрвеня пакінуў Беларусь. На радзіму ён вярнуўся пад канец лістапада 2023-га. Пасля гэтага маладога чалавека затрымалі.
Дарэчы, судзімасць за ўхіленне ад прызыву не вызваляе ад праходжання вайсковай службы пасля адбыцця пакарання.
