Беларускі Гаюн: самалёт Прыгожына прабыў у Беларусі больш за 7 гадзін
У мінулы раз гэты борт прылятаў у Беларусь 27 чэрвеня / "Беларускі Гаюн"
Борт Яўгена Прыгожына прабыў у Беларусі больш за сем гадзін, паведамляе маніторынгавая група “Беларускі Гаюн”.
Па дадзеных “Гаюна”, бізнес-джэт Embraer Legacy 600 (рэг. нумар RA-02795) прыляцеў на вайсковы аэрадром “Мачулішчы” пад Мінскам сёння ўранку. Каля 17:00 ён узляцеў з аэрадрома.
Усяго самалёт Прыгожына прабыў у Беларусі 7,5 гадзін. Гэта прыкладна ўдвая менш, чым у мінулы візіт, 27 чэрвеня. Тады самалёт стаяў пад Мінскам 14 гадзін 59 хвілін.
