Дзяцей з рэгіёнаў працягваюць вазіць у Мінск у прыёмнік-размеркавальнік

Дзяцей з рэгіёнаў працягваюць вазіць у Мінск у прыёмнік-размеркавальнік для непаўналетніх УУС Мінаблвыканкама на Акрэсціна. Міліцыянты кажуць, што такія "экскурсіі" актуальныя, бо некаторыя падлеткі "ў кроку" ад змяшчэння ў такую ўстанову.

На гэты раз у прыёмнік-размеркавальнік прывезлі групу школьнікаў з Дзяржынска. Іх суправаджаў міліцыянт. На фоне калючага дроту было зроблена фота на памяць. Падлеткам паказалі штрафны ізалятар, "куды змяшчаецца падлетак, які парушае ўстаноўлены распарадак".

Падобныя "экскурсіі" праводзілі яшчэ ў мінулым годзе, калі ў Мінск прывозілі дзяцей з Барысава і Смаргоні. Сёлета на Акрэсціна пабывалі школьнікі з Валожынскага раёна.