Філосаф Уладзімір Мацкевіч прызнаны экстрэмістам і сядзіць у камеры адзін

Філосаф Уладзімір Мацкевіч, якога трымаюць у СІЗА №1 ("Валадарка"), прызнаны схільным да экстрэмізму. У камеры ён сядзіць адзін, пішуць у сацсетках яго паплечнікі.

У СІЗА Мацкевіч знаходзіцца з 14 жніўня. За гэты час яму аддалі толькі пяць лістоў з волі.

Філосафа затрымалі 4 жніўня. Яму выставілі абвінавачанне паводле артыкул 342 Крымінальнага кодэкса ("арганізацыя дзеянняў, якія груба парушаюць грамадскі парадак").