Футбольная зборная Іспаніі выйшла ў паўфінал чэмпіянату Еўропы
Іспанія — Германія / Reuters
Футбольная зборная Іспаніі выйшла ў паўфінал чэмпіянату Еўропы. У пятніцу ў чвэрцьфінале ў дадатковы час была абыграная зборная Германіі — 2:1.
Немцы маглі прайграць яшчэ ў асноўны час, але выратаваліся на апошніх хвілінах. У дадатковы час пераможную кропку паставіў Мікель Мерына (119-я хвіліна).
Такім чынам, гаспадары першынства далей чвэрцьфіналу прайсці не змаглі. А іспанцы сустрэнуцца са зборнай Францыі, якая па пенальці абыграла Партугалію (5:3, асноўны і дадатковы час — 0:0).
