Ікра, смартфоны, сігары і мыла. Што цяпер нельга везці з ЕС у Беларусь — спіс

Рада Еўрасаюза 29 чэрвеня апублікавала новы санкцыйны рэгламент у дачыненні да Беларусі. Гэта вялізны — на 84 старонкі — спіс тавараў, забароненых для ўвозу ў нашу краіну. 

Неўзабаве польскія мытнікі пачалі пільна надглядаць беларусаў. Тых, хто вёз нешта з “чорнага спісу”, не выпускалі — ім даводзілася вяртацца і здаваць тавары ў крамы.

Сам спіс да сённяшняга дня быў дасяжны толькі на англійскай і іншых мовах краінаў Еўрасаюза. Таму шмат для каго дагэтуль застаецца загадкай — што ж цяпер нельга везці з ЕС у Беларусь?

Еўрарадыё пераклала спіс — спасылку на гэты пераклад вы знойдзеце ў канцы артыкула. А тут мы пералічым самыя народныя тавары, якія цяпер нельга прывозіць у Беларусь з Польшчы ды іншых краін ЕС.

Тэлекамеры, лічбавыя камеры і відэакамеры

Жывыя расліны (ружы, азаліі і г.д.)

Фарбы і лакі

Фотаплёнка і фатаграфічная папера

Папера

Пража (з воўны, арганічных і хімічных валокнаў)

Тканіны з бавоўны

Мабільныя тэлефоны і смартфоны

Маніторы і праектары

Аб’ектывы для камер

Аптычныя прыборы (біноклі, маноклі і г.д.)

Праектары

Каштоўныя металы (золата, срэбра) і вырабы з іх

Гадзіннікі з каштоўных металаў і з алмазамі

Ікра і яе замяняльнікі

Крэветкі і стравы з іх

Труфелі і стравы з іх

Этылавы спірт і вадкасці з ім у складзе

Сігары і сігарылы

Дываны і іншыя напольныя пакрыцці

Радыёпрымачы

Эфірныя алеі

Мыла 

Прэпараты для прыгажосці (макіяж, манікюр, зубная гігіена і г.д.)

Скура, мех і вырабы з іх

Поўны спіс забароненых да імпарту (у тым ліку фізічнымі асобамі) у Беларусь тавараў, перакладзены на рускую мову, можна знайсці ніжэй: