Кампанія EPAM авансам заплаціла падаткі ў бюджэт Украіны
![Кампанія EPAM авансам заплаціла падаткі ў бюджэт Украіны](/sites/default/files/styles/gallery_main/public/2023-08/epam-0403.jpg.webp?itok=YNyM0YSU)
ІТ-кампанія ЕРАМ авансам пералічыла ў дзяржаўны бюджэт Украіны падатак за першы квартал 2022 года, піша dou.ua.
Гаворка ідзе пра 50 мільёнаў грыўняў (каля 1,66мільёна долараў). У кампаніі кажуць, што гэта прыблізная сума, якую яны вылічылі на аснове аналагічнага перыяду 2021 года.
"Сёння разам мы робім усё магчымае, часам і немагчымае, каб наблізіць мір ва Украіне. Каб захаваць краіну і яе людзей. Каб мець магчымасць працягваць развіваць тут высокатэхналагічны бізнес. Пазіцыя кампаніі выразная і празрыстая — асуджэнне вайны і дапамога краіне", — кажуць у EPAM.
Таксама EPAM заявіла, што спыняе працу з кліентамі з Расіі і выдаткоўвае дадатковыя 100 мільёнаў долараў на падтрымку супрацоўнікаў з Украіны і іх сем'яў. У IT-кампаніі заклікаюць спыніць "незаконны і бессаромны напад на народ Украіны".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.