Краіны Балтыі абвінавацілі Расію ў падаўленні сігналаў GPS
РФ можа глушыць GPS-сігналы, "каб абараніць Калінінград" / pixabay.com
Краіны Балтыі абвінавацілі Расію ў падаўленні сігналаў GPS у Балтыйскім моры, піша The Financial Times. Выданне спасылаецца на гутарку з міністрамі замежных спраў Літвы, Латвіі і Эстоніі.
"Калі нехта выключыць вам фары, пакуль вы едзеце ноччу, гэта становіцца небяспечным, — кажа міністр замежных спраў Літвы Габрыэлюс Ландсбергіс. — Сітуацыя ў Балтыйскім рэгіёне паблізу расійскіх межаў цяпер становіцца занадта небяспечнай, каб яе ігнараваць".
Эстонскі міністр Маргус Цахкна заявіў, што краіны Балтыі лічаць глушэнне GPS-сігналаў "гібрыднай атакай РФ", якая ўяўляе небяспеку для іх грамадзян. Міністр замежных спраў Латвіі Байба Бражэ кажа, што краіны Балтыі "кантактуюць з калегамі з іншых дзяржаў" па гэтым пытанні.
За апошнія месяцы з-за перашкод GPS пацярпелі шматлікія грамадзянскіх авіярэйсы. 25 і 26 красавіка два самалёты авіякампаніі Finnair, якія накіроўваліся з Хельсінкі ў Тарту, былі вымушаныя вярнуцца ў аэрапорт вылету.
Высокапастаўлены чыноўнік у размове з The Financial Times выказаў здагадку, што РФ можа глушыць GPS-сігналы, "каб абараніць Калінінград ад патэнцыйных нападаў украінскіх беспілотнікаў".
The Baltic Jammer is in Kaliningrad.
— Markus Jonsson (@auonsson) March 30, 2024
The Baltic Jammer is a Russian GPS jammer that since Dec -23 has affected the navigation of 1000's of civilian & military aircraft.
Old method, new dataset, even more obvious.
Finally, data to disprove me. Thread pic.twitter.com/MSq5kAPgV5
