Месі перасягнуў дасягненне легендарнага Марадоны
Ліянэль Месі / reuters.com
Нападаючы аргенцінскай футбольнай зборнай Ліянэль Месі перасягнуў дасягненне легендарнага Дыега Марадоны на чэмпіянатах свету. За сваю кар'еру Месі згуляў ужо 22 матчы, у Марадоны на рахунку застаўся 21 паядынак.
"Я толькі нядаўна даведаўся пра гэта, я не ведаў, — кажа Ліянэль Месі. — Прыемна паставіць такі рэкорд. Думаю, Дыега быў бы супершчаслівы за мяне, таму што ён заўсёды ставіўся да мяне з вялікай любоўю. Ён заўсёды быў шчаслівы, калі ў мяне справы ішлі добра".
"Прессбол" нагадвае, што ў абодвух футбалістаў па 8 галоў у складзе зборнай Аргенціны на чэмпіянатах свету. Лідзіруе па гэтым паказчыку экс-форвард нацыянальнай каманды Габрыэль Батыстута (10 галоў).
