Месяц для жыцця і экскрэменты для турыстаў у Іспаніі — #ІхНоравы

У сваім даследаванні навукоўцы прааналізавалі назіранні станцыі NASA Lunar Reconnaissance Orbiter, якая круціцца на арбіце Месяца. У звестках пра радыёлакацыйнае сканаванне яны выявілі сігнал, які паказвае на гіганцкі падземны тунэль у вобласці Мора Спакою.

Нагадаем, што Месяц — самае блізкае і лепш за ўсё вывучанае нябеснае цела і разглядаецца як кандыдат для месца стварэння чалавечай калоніі. Даследчыкі мяркуюць, што сістэма натуральных тунэляў ідэальна пасуе для ўзвядзення навуковых і жылых базаў.

Тысячы долараў за жартоўны кашаль

У Брытаніі экс-супрацоўніца Cawdor Cars адсудзіла ў працадаўцы больш за 34 тысячы долараў за тое, што той пакашляў на яе падчас пандэміі.

Жанчына працавала ў кампаніі тры гады. Падчас пандэміі яна папрасіла калегаў прытрымлівацца сацыяльнай дыстанцыі, бо пакутавала на псарыятычны артрыт і аўтаімуннае захворванне. Праз гэтыя захворванні каранавірус пагражае ёй сур'ёзнымі наступствамі.

62-гадовы начальнік Кевін Дэвіс вырашыў пажартаваць з яе. Паводле суддзі, Дэвіс "наўмысна і гучна кашлянуў у яе бок, адзначыўшы, што яна паводзіла сябе недарэчна". Гэта адбылося за тыдзень да афіцыйнага абвяшчэння лакдаўну. Праз ціск у калектыве жанчыне давялося звольніцца.

— Ён ведаў пра мой стан здароўя, — патлумачыла сваю пазіцыю пацярпелая. — Ён ведаў, што ў мяне няма імуннай абароны праз лекі, якія я павінна прымаць, і наўмысна кашлянуў мне ў твар. Мяне трэсла. Я не дурны мяккацелы чалавек — мне з многім даводзілася мірыцца ў сваім жыцці. Але гэта сапраўды мяне закранула.

Сямёра птушак ідуць за сваім апекуном, куды б той ні пайшоў. Але ўжо праз некалькі тыдняў Фурху давядзецца адвучаць птушак ад свайго заступніцтва, каб яны не паспелі моцна да яго прывыкнуць.

— Наглядчык за жывёламі асабліва клапоціцца пра тое, каб качкі ўрэшце заўсёды ведалі: “Мы — качкі. І мы можам расці ў групе", — кажа ўладальнік цэнтра дапамогі птушкам у Аберзульме Міхаэль Фольк. Менавіта там цяпер і жывуць сямёра качанятаў — Цік, Трык, Трак, Дагаберт, Дайзі, Дональд і Меланія.

Экскрэменты для турыстаў

Пратэстоўцы супраць празмернага турызму ў Іспаніі вар'яцеюць. Незадаволеныя грамадзяне пэцкаюць экскрэментамі дзверы і аканіцы кватэраў, якія здаюцца ў кароткатэрміновую арэнду, а таксама скрыні для іх ключоў.

Некалькі інцыдэнтаў у Севіллі супалі з новай прапановай мэра горада абмежаваць выдачу ліцэнзій на кароткатэрміновую арэнду жылля паводле тыпу Airbnb. Згодна з гэтай прапановай, у пэўных раёнах колькасць кватэраў для турыстаў будзе складаць не больш за 10 працэнтаў ад агульнай колькасці жылля.

Некаторыя іспанцы перакананыя, што прапанаваныя абмежаванні недастатковыя.