Мінскую мастачку затрымалі за каментар "Раздавім фашысцкую гадзіну!"
![Мастачку адправілі за краты (ілюстрацыйнае фота)](/sites/default/files/styles/gallery_main/public/2024-09/brush-96240_1280.jpg.webp?itok=jmQV0Vz_)
Мастачку адправілі за краты (ілюстрацыйнае фота) / pixabay.com
Мінскую мастачку затрымалі за каментары 2020 года ў чатах. Яна пісала "Не забудзем і не даруем!", "Жыве Беларусь", "Верым, можам, пераможам!", "Раздавім фашысцкую гадзіну!" ды іншае. Сілавікі сцвярджаюць, што яна абражала міліцыянераў, рэжымы Аляксандра Лукашэнкі і Уладзіміра Пуціна. Таксама жанчына нібыта дасылала інфармацыю ў чат-бот "Чорнай кнігі Беларусі".
У чым канкрэтна абвінавачваюць затрыманую, невядома. Сілавікі згадваюць "некалькі артыкулаў". На відэа жанчына кажа, што ўваходзіць у Саюз мастакоў Беларусі.
![Мінскую мастачку затрымалі за каментар "Раздавім фашысцкую гадзіну!"](/sites/default/files/styles/default_image_paragraph/public/paragraphs/image/7_37.jpg.webp?itok=yYIJv9D0)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.