На "Славянскім базары" ўпершыню выкарыстаюць "паветраны патруль" дронаў
Дроны, ілюстрацыйнае фота / defence-ua.com
На фэсце "Славянскі базар у Віцебску" сёлета ўпершыню выкарыстаюць "паветраны патруль" дронаў. Пра гэта паведаміў начальнік УУС Віцебскага аблвыканкама генерал-маёр міліцыі Андрэй Любімаў, піша "СБ. Беларусь сегодня".
"Упершыню падчас "Славянскага базару" задзейнічаем як антыдронавую тэхніку, так і будзем ужываць і самі дроны. З іх дапамогай будзем праводзіць відэафіксацыю правапарушэнняў, а таксама зможам аператыўна адрэагаваць, калі камусьці спатрэбіцца наша дапамога", — падзяліўся падрабязнасцямі начальнік віцебскай абласной міліцыі.
Таксама Любімаў кажа, што месцы пражывання ўдзельнікаў і гасцей фэсту ўзятыя пад кругласутачную ахову.
Фэст "Славянскі базар" пройдзе з 9 па 15 ліпеня на 23 пляцоўках горада.
