На сёння ў Мінску запланаваны страйк таксістаў
Мінскія таксісты плануюць аднадзённы страйк з-за ўмоваў сваёй працы, паведамляе БелаПАН. Зараз сярэднія тарыфы за кіламетр у беларускай сталіцы ― 55 капеек. Частка таксістаў перакананая, што адзін кіламетр павінен каштаваць у Мінску як мінімум 75 капеек, толькі ў такім выпадку праца будзе рэнтабельнай. Страйк таксістаў запланаваны з 7 раніцы 29 ліпеня да 7 раніцы 30-га. Пакуль незразумела, яка колькасць кіроўцаў адмовіцца ад працы ў бліжэйшыя суткі.
