На выхадных у Беларусі чакаецца пацяпленне да +20
У пятніцу, 5 кастрычніка, у Беларусі прагназуецца пераменная воблачнасць, паведамляе Белгідрамет.
Уначы будзе без ападкаў, удзень у асобных раёнах па поўначы краіны пройдуць невялікія дажджы. Вецер будзе паўднёва-заходні, умераны, удзень па паўночным усходзе парывісты.
Уначы тэмпература паветра будзе +1...+5, месцамі чакаюцца замаразкі 0...-3 градусаў. Удзень яна падымецца да 10-15 вышэй за нуль, па захадзе Брэстчыны прагназуецца да 17 са знакам "плюс".
6 кастрычніка ў Беларусь пачнуць паступаць цёплыя паветраныя масы з Заходняй Еўропы. Уначы па паўночным усходзе чакаюцца кароткачасовыя дажджы, удзень будзе без ападкаў. Уначы слупок тэрмометра пакажа ад 3 да 10 градусаў цяпла, удзень падымецца да 14-20 са знакам "плюс".
Удзень 7 кастрычніка у асобных раёнах магчымыя кароткачасовыя дажджы. Уначы тэмпература паветра апусціцца да 4-10 градусаў цяпла, удзень паветра прагрэецца да 14-20 вышэй за нуль. Па поўдні краіны чакаецца да +22 градусаў.
