Нацыянальным гістарычным архівам будзе камандаваць памочнік міністра абароны
10 траўня калектыву Нацыянальнага гістарычнага архіва прадставілі новага дырэктара. Гэта генерал-маёр Алег Воінаў. Да апошняга часу ён быў памочнікам міністра абароны па пытаннях міжнароднага вайсковага супрацоўніцтва.
Воінаву 55 гадоў, ён нарадзіўся ў Днепрапятроўску.
Папярэдняга дырэктара архіву Дзмітрыя Яцэвіча звольнілі на пачатку красавіка. З ім не працягнулі кантракт. Яцэвіч узначальваў Нацыянальны гістарычны архіў 10 гадоў.
Разам з ім звольніўся і намеснік дырэктара Дзяніс Лісейчыкаў.
