NASA паказала здымкі Юпітэра ў захапляльных дэталях
Юпітэр / NASA
NASA паказала здымкі Юпітэра ў захапляльных дэталях. Новыя якасныя фота, зробленыя ў кастрычніку 2024-га, на Зямлю перадаў касмічны апарат Juno. Ён здзейніў ужо 66-ы аблёт Юпітэра.
NASA запусціла Juno яшчэ ў 2011-м, праз пяць гадоў ён дасягнуў планеты (у 2021-м быў запушчаны апарат з місіяй па вывучэнні астэроідаў). Ад таго часу ён дасылае фотаздымкі, а на Зямлі іх апрацоўваюць.
Місія Juno ўжо падыходзіць да свайго завяршэння. Спачатку меркавалася, што гэта адбудзецца ўжо ў 2017 годзе. Аднак дату перанеслі, і касмічны апарат будзе працаваць да верасня 2025 года. Мяркуецца, што гравітацыя Юпітэра прыцягне Juno "у хаатычную атмасферу газавага гіганта", піша newsweek.com.
