Невялікі пасажырскі самалёт сутыкнуўся з вайсковым верталётам пад Вашынгтонам
Аэрапорт імя Рональда Рэйгана / Reuters
Увечары 29 студзеня пад Вашынгтонам пацярпеў крушэнне рэгіянальны пасажырскі самалёт авіякампаніі American Airlines. Як паведамляюць СМІ, ён сутыкнуўся з вайсковым верталётам каля аэрапорта імя Рональда Рэйгана.
Авіякампанія паведаміла, што на борце камерцыйнага самалёта было 60 пасажыраў і чатыры чальцы экіпажу, піша Reuters. На борце вайсковага верталёта UH-60 знаходзіліся трое вайскоўцаў.
Сутыкненне трапіла на запіс камеры відэаназірання, устаноўленай у Цэнтры Кенэдзі. Пасажырскі самалёт у выніку сутыкнення ўпаў у раку Патамак.
Паведамляецца пра ахвяры, але іх колькасьць пакуль не пацверджаная. Паводле звестак СМІ, з вады дасталі некалькі целаў, але выжылых пакуль не знайшлі.
У аэрапорце імя Кенэдзі адмянілі вылеты і пасадкі самалётаў. Каля паліцэйскага прычала на Патамаку знаходзяцца машыны хуткай дапамогі.
Webcam at the Kennedy Center caught an explosion mid-air across the Potomac. https://t.co/v75sxitpH6 pic.twitter.com/HInYdhBYs5
— Alejandro Alvarez (@aletweetsnews) January 30, 2025
