Палітзняволеная Паліна Шарэнда-Панасюк абвясціла галадоўку

У Рэчыцкім ІЧУ ў Паліны прайшлі апошнія следчыя дзеянні ў межах крымінальнай справы за “злоснае непадпарадкаванне адміністрацыі калоніі”. На будучым тыдні справу перададуць у пракуратуру, а затым у суд Рэчыцкага раёна.

Палітзняволеная павінна была выйсці на волю мінулым летам, але яе асудзілі да яшчэ 1 года калоніі. У красавіку супраць жанчыны завялі ўжо новую справу — зноў за “злоснае непадпарадкаванне адміністрацыі калоніі”.

У канцы траўня Паліна заявіла, што адмаўляецца ад грамадзянства Беларусі. Гэта была рэакцыя на жорсткі ціск ў калоніі. Тады жанчыну накіравалі на псіхіятрычна-судовую экспертызу, хаця раней яна  была прызнана здаровай.