Памёр адзін з заснавальнікаў гурта Depeche Mode Эндзі Флэтчар
26 траўня памёр адзін з заснавальнікаў Depeche Mode, музыка-клавішнік Эндзі Флэтчар, паведамляецца ў афіцыйным акаўнце гурта ў Facebook. Яму было 60 гадоў.
"Мы ўзрушаныя і поўныя бязмернага смутку ў сувязі з заўчаснай смерцю нашага дарагога сябра... Флэтч валодаў сапраўды залатым сэрцам і заўсёды быў побач, калі патрэбная была падтрымка — гутарка, смех, пінта халоднага піва, — пішуць музыкі гурта. — Нашы думкі цяпер з яго роднымі...".
