Пасля прыходу вагнераўцаў у Беларусь Украіна ўзмацняе паўночную мяжу
Украіна ўзмацняе мяжу з Беларуссю / прэс-служба МУС Украіны, ілюстрацыйнае фота
Украіна будзе ўзмацняць мяжу з Беларуссю, пра гэта распарадзіўся Уладзімір Зяленскі.
У тэлеграм-канале ўкраінскага прэзідэнта гаворыцца, што з дакладам па сітуацыі ў Беларусі выступілі Галоўнае ўпраўленне разведкі, Служба знешняй разведкі, СБУ і Памежная служба.
"Трымаем яе на пастаянным кантролі. Рашэнне стаўкі — галоўнакамандуючаму Залужнаму і камандуючаму "Поўначы" Наеву выканаць комплекс мер па ўзмацненні гэтага кірунку", — распарадзіўся Зяленскі.
Можна меркаваць, што гэтыя распараджэнні звязаныя з пераходам у Беларусь часткі вагнераўцаў. Дарэчы, некалькі дзён таму Зяленскі заяўляў, што Украіна можа не асцерагацца вагнераўцаў у Беларусі, бо іх кантынгент будзе нешматлікім.
