Перад затрыманнем сілавікі адключаюць у беларусаў мабільную сувязь
"Рэзка знікла мабільная сувязь — ...прыйдуць сілавікі" / pixabay.com
Перад затрыманнем (рэпрэсіі ў РБ па-ранейшаму маштабныя) сілавікі праз аператара адключаюць у беларусаў мабільную сувязь. Пра такую "новую стратэгію" стала вядома праваабаронцам. Яны збіраюць усё больш звестак пра хвалю затрыманняў і ператрусаў, якая прайшла ў РБ у чацвер. І сцвярджаюць, што так дзейнічалі супрацоўнікі КДБ у розных гарадах.
"Таму, калі ў вас рэзка знікла мабільная сувязь і няма сеткі — з вялікай доляй верагоднасці, у бліжэйшыя хвіліны да вас прыйдуць сілавікі", — піша "Вясна".
31 кастрычніка звесткі пра затрыманні і ператрусы прыходзілі з Мінскай, Гродзенскай і Гомельскай абласцей. Яны адбываліся сінхронна. Праваабаронцы назвалі іх "перадвыбарчымі".
