СМІ: ва Украіне забіты Дзяніс Кірэеў, член дэлегацыі на перамовах з Расіяй

Ва Украіне забіты член першай дэлегацыі Украіны на перамовах з Расіяй Дзяніс Кірэеў. Гэта пацвярджаюць украінскія СМІ, а таксама расійскія прапагандысты. Афіцыйнай заявы ад Украіны пакуль не паступала.

Кірэеву было 45 гадоў, большую частку жыцця ён займаўся банкаўскім сектарам ва Украіне, пасля пачатку вайны ўвайшоў у склад у лік прадстаўнікоў Кіева на перамовах у Беларусі. Але ў другой сустрэчы ён удзелу не прымаў. Як напісаў украінскі дэпутат Вярхоўнай Рады Аляксандр Дубінскі ў сваім тэлеграм-канале, Кірэеў падазраваўся ў дзяржаўнай здрадзе.

"Якім чынам ён трапіў у склад дэлегацыі Украіны на перамовах з акупантамі — вельмі хочацца высветліць у Офіса Прэзідэнта?", — дадаў дэпутат.

Паводле звестак крыніц у сілавых структурах украінскага выдання "Страна.ua", забойства адбылося каля Пячэрскага суда ў Кіеве, у той жа час яны не ўдакладняюць пры якіх абставінах гэта адбылося і хто менавіта яго забіў. Газета "Украинская правда" сцвярджае, што ў Службы бяспекі Украіны былі доказы дзяржаўнай здрады Кірэева, у тым ліку тэлефонныя перамовы.