Тры гады таму ў Беларусі ўтварыўся "жаночы трыўмвірат"
Марыя Калеснікава, Святлана Ціханоўская, Вераніка Цапкала
Тры гады таму ў Беларусі ўтварыўся "жаночы трыўмвірат". Святлана Ціханоўская аб'ядналася з Марыяй Калеснікавай і Веранікай Цапкала. Утрох яны пераламілі ход выбарчай кампаніі.
"Трыумвірат" утварыўся праз два дні пасля таго, як Віктара Бабарыку і Валерыя Цапкалу не зарэгістравалі кандыдатамі ў прэзідэнты Беларусі. А Святлану Ціханоўскую зарэгістравалі — дзякуючы подпісам, сабраным за яе мужа Сяргея. Сёння гэта называюць адной з галоўных памылак, якую Лукашэнка дапусціў за сваю палітычную кар'еру.
"Мы дамовіліся за 15 хвілінаў, — прыгадвае той дзень Ціханоўская. — Я па-ранейшаму цвёрда веру, што адзінства — гэта наша суперсіла, і што мы можам перамагчы ўсіх тыранаў, калі мы разам".
