У Барысаве ў шматкватэрным жылым доме ўзарваліся газавыя балоны
![Ратавальнікі ў Барысаве](/sites/default/files/styles/gallery_main/public/2024-01/ratb.jpg.webp?itok=DFYEUbiI)
Ратавальнікі ў Барысаве / ctv.by
25 студзеня пасля 18-й гадзіны ў Барысаве па вуліцы Нармадыя-Нёман на трэцім паверсе пяціпавярховага жылога дома ўзарваліся два газавыя балоны (аб'ём кожнага — 520 мл), паведамляюць ратавальнікі. У момант здарэння ў кватэры знаходзілася сям'я з трох чалавек. Пацярпелых няма.
Балоны былі ў шафцы над уключанай газавай плітой. У выніку адбылася ўспышка газапаветранай сумесі з наступным гарэннем. Выбуховай хваляй у пакоі выбіла два акна, у кухні знішчаная нацяжная столь, пашкоджаны панэлі ПВХ у калідоры.
Ратавальнікі паведамляюць, што "візуальна апорныя канструкцыі дома не пашкоджаныя, сумежныя кватэры не пацярпелі". Прычына выбуху балонаў высвятляецца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.