У Беларусі на 16 капеек падаражэе аўтамабільнае паліва
Аўтамабілі ў Мінску / Euroradio
У Беларусі 15 сакавіка падаражэе аўтамабільнае паліва. Пра гэта ў сераду паведамляе "Белтафтахім". Падаражанне складзе 2 капейкі.
З суботы кошты будуць наступныя:
- АІ-92-К5-Еўра — 2,36 рубля;
- АІ-95-К5-Еўра — 2,46 рубля;
- АІ-98-К5-Еўра — 2,68 рубля;
- ДП — 2,46 рубля.
"Белнафтахім" спасылаецца на "ўсебаковую ацэнку эканамічнай сітуацыі, кан'юнктуры рынку нафты і нафтапрадуктаў у сумежных дзяржавах" і паведамляе пра "рашэнне аб планавай паэтапнай карэкціроўцы цэн на нафтапрадукты на 16 капеек за літр паліва". Павышаць цэны на паліва будуць па 2 капейкі ў тыдзень. Такім чынам падаражанне працягнецца амаль усю вясну.
Папярэдні раз цэны змяняліся ў ліпені мінулага года. Тады павышэнне цаны склала 1 капейку.
