У Мінску адкрылі басейн "міжнароднага стандарту"

У Мінску адкрылі басейн "міжнароднага стандарту". Яго будавалі з 2020 года, калі беларускі спорт яшчэ не быў пад санкцыямі, за кітайскія грошы.

На ўрачыстае адкрыццё басейна прыехаў Аляксандр Лукашэнка. У сваёй прамове ён падзякаваў кітайскаму лідару Сі Цзіньпіну "за новы басейн у Мінску". Паводле яго слоў, Кітай гатовы ў будучыні аказаць "тэхнічную дапамогу" ў будаўніцтве яшчэ некалькіх сацыяльна значных аб'ектаў.

Паколькі басейн адпавядае міжнародным стандартам, у ім збіраліся праводзіць і нацыянальныя, і міжнародныя спаборніцтвы па плаванні, скачках у ваду, водным пола і сінхронным плаванні. У цяперашніх умовах давядзецца арганізоўваць спаборніцтвы з расіянамі.

Чакаецца адкрыццё яшчэ аднаго "кітайскага падарунка" — Нацыянальнага футбольнага стадыёна.