У навагоднюю ноч згубіўся прэзідэнцкі сабака

У Малдове ў навагоднюю ноч згубіўся прэзідэнцкі сабака. Ён спалохаўся феерверкаў і "ў паніцы выбег з двара адміністрацыі прэзідэнта", а пасля нейкі час блукаў у Кішынёве, пакуль яго не пазналі і не вярнулі, піша newsmaker.md.

Сабака прэзідэнта Малдовы Маі Санду мае мянушку Кодруц. Ён трохлапы. Таму, калі фота сабакі без пярэдняй лапы апублікавалі ў сацсетках, яго хутка апазналі.

У адміністрацыі прэзідэнта здарэнне назвалі "непрыемным выпадкам". "Кодруца знайшлі і вярнулі, цяпер ён у бяспецы, дома", — дадалі там.

Кодруц стаў вядомы пасля таго, як падчас сустрэчы ў Кішынёве ўкусіў за руку прэзідэнта Аўстрыі.