У панядзелак пройдзе мокры снег, удзень будзе да +7
У бліжэйшыя суткі, 14 сакавіка, у Беларусі чакаецца хмарнае з праясненнямі надвор’е. Уначы будзе пераважна без ападкаў, удзень на большай частцы тэрыторыі пройдуць ападкі ў выглядзе мокрага снегу. На асобных участках дарог чакаецца галалёдзіца.
Вецер будзе паўночным, паўночна-заходнім умеркаваным.
Тэмпература паветра ўначы складзе ад –6 градусаў, удзень будзе ад +1 на поўначы да +7 па паўднёвым захадзе, перадае БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджання і маніторынгу навакольнага асяроддзя Мінпрыроды.
