У Швейцарыі пачынаецца суд над байцом беларускага "эскадрона смерці"
![Юрый Гараўскі](/sites/default/files/styles/gallery_main/public/2023-09/harauski-1909.jpg.webp?itok=7GUHJY2t)
Юрый Гараўскі / DW
У Швейцарыі 19 верасня пачынаецца суд над беларусам Юрыем Гараўскім, экс-байцом спецыяльнага атрада хуткага рэагавання (САХР).
Ён сам прызнаўся ў датычнасці да выкрадання і забойства апазіцыйных палітыкаў канца 1990-х гадоў Юрыя Захаранкі і Віктара Ганчара, а таксама бізнесоўца Анатоля Красоўскага. У Беларусі гэтыя справы дагэтуль афіцыйна не расследаваныя.
Справа будзе разглядацца ў рамках універсальнай юрысдыкцыі — гэта першы прэцэдэнт у гісторыі Беларусі. Выкраданне і забойства апанентаў Лукашэнкі ўпершыню атрымае прававую ацэнку суда.
У Швейцарыі Гараўскаму выставілі абвінавачанне ў неаднаразовым выкраданні людзей. Пракуратура просіць для яго адзін год пазбаўлення волі і два гады ўмоўна.
Ацэньваць праўдзівасць яго слоў будуць суддзя і два прысяжныя засядацелі. На думку юрыстаў, калі яны прызнаюць Гараўскага вінаватым, гэта стане абвінаваўчым прысудам і для беларускага рэжыму, піша DW.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.