У суботу ў Беларусі чакаецца да 6 градусаў марозу
15 снежня ў Беларусі будзе пераважна хмарнае надвор'е, паведамляе Белгідрамет.
Месцамі чакаецца невялікі снег, на асобных участках дарог — галалёдзіца. Вецер будзе паўночна-ўсходні, усходні слабы да ўмеранага.
На працягу сутак тэмпература паветра будзе вагацца ў дыяпазоне ад нуля да -6 градусаў.
У нядзелю істотных ападкаў не чакаецца, зранку і ўдзень па захадзе краіны пройдзе кароткачасовы снег, будзе слабая завея. На асобных участках дарог — галалёдзіца. Вецер прагназуецца паўднёва-ўсходні ўмераны, днём парывісты.
Уначы будзе 3-9 ніжэй за нуль, па ўсходзе пры праясненнях да 11 градусаў марозу. Удзень тэрмометр пакажа 1-7 са знакам "мінус".
