У жыхара Брэстчыны знайшлі пісталет-кулямёт, зроблены на 3D-прынтары
Зброя, знойдзеная ў жыхара Брэстчыны / Камітэт судэкспертызы
Байцы ГУБАЗік затрымалі 44-гадовага жыхара аднаго з райцэнтраў Брэсцкай вобласці. Паведамляецца, што затрыманне адбылося пасля таго, як міліцыянты атрымалі аператыўную інфармацыю пра незаконнае абарачэнне зброі, боепрыпасаў і выбуховых рэчываў.
У гаражы мужчыны знайшлі самаробны 9-міліметровы пісталет-кулямёт і два глушыцелі, вырабленыя на 3D-прынтары. Таксама ў яго канфіскавалі чатыры самаробныя патроны і бяздымны порах.
Судэкспертыза выявіла, што ўсе канфіскаваныя прадметы прыдатныя для выкарыстання па прызначэнні.
Мужчына патлумачыў, што зброю і боепрыпасы ствараў з асабістай цікавасці. Следчы камітэт пачаў на яго крымінальную справу.
Зброя, знойдзеная ў жыхара Брэстчыны / Камітэт судэкспертызы
