Урад спрабуе вярнуць добрую бульбу ў крамы

Урад вырашыў трохі ўдакладніць сістэму рэгулявання цэн. Пастанова ад 10 красавіка 2025 года №389 апублікаваная на Нацыянальным прававым інтэрнэт-партале 17 красавіка і адразу ўступіла ў сілу.

У прыватнасці, урад дазволіў павялічыць максімальныя адпускныя цэны на свежую бульбу, белакачанную капусту і цыбулю рэпчатую. Асабліва ў спісе выдзяляецца бульба: у апошнія месяцы многія беларусы скардзяцца на якасць караняплода, які прапануюць у крамах — найчасцей ён вельмі маленькі.

Магчыма, з паслабленнем у рэгуляванні цэн і дазволам падняць цану з 76 капеек да рубля за кілаграм нармальная бульба зноў вернецца ў гандлёвыя сеткі.

Таксама змены закранулі яблыкі, агуркі, буракі і моркву.