Усе ўчасткі для галасавання ў Мінску абсталююць камерамі відэаназірання
![Сістэма відэаназірання](/sites/default/files/styles/gallery_main/public/2023-08/nablyudeniye0807.jpg.webp?itok=n9Dgcr31)
Сістэма відэаназірання
Да адзінага дня галасавання ў 2024 годзе ўсе выбарчыя ўчасткі ў Мінску будуць абсталяваны камерамі відэаназірання. У міліцыі лічаць, што гэта дапаможа забяспечыць "празрыстасць" выбарчай кампаніі і "бяспеку грамадзянаў".
Рэспубліканская сістэма маніторынгу грамадскай бяспекі, якая аб'ядноўвае камеры відэаназірання на вуліцах беларускіх гарадоў і на інфраструктурных аб'ектах, працягне развівацца. Колькасць гарадскіх камер, уключаных у РСМГБ, плануецца павялічыць утрая.
![Все участки для голосования в Минске оборудуют камерами видеонаблюдения](/sites/default/files/styles/default_image_paragraph/public/paragraphs/image/rsmob0807.jpg.webp?itok=UOd0Y4_V)
Сетка відэаназірання выкарыстоўваецца ўладамі для рэпрэсій супраць апазіцыянераў. З дапамогай софту Kipod, распрацаванага кампаніяй Synesis, распазнаюцца асобы і кантралюецца перамяшчэнне пратэстоўцаў. Пазней іх судзяць за нібыта ўчыненыя адміністрацыйныя правапарушэнні.
Акрамя таго, сістэма відэаназірання — гэта бізнэс. Аб'екты, на якіх устаноўлены камеры, абавязаны плаціць за іх устаноўку і абслугоўванне. Да ўвядзення заходніх санкцый супраць "Сінэзіса" тэхнічным аператарам Рэспубліканскай сістэмы маніторынгу грамадскай бяспекі была кампанія “24x7 Паноптэс”. Гэта даччыная структура Synesis. У лютым 2022 года гэтыя функцыі перайшлі да дзяржаўнага "Белтэлекама".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.