Увесь новы ўказ Лукашэнкі "Аб бюджэтным фінансаванні" — сакрэтны
У Лукашэнкі ёсць што хаваць ад народа
На Нацыянальным прававым інтэрнет-партале 7 студзеня апублікаваны ўказ Лукашэнкі "Аб бюджэтным фінансаванні". Гэта адзін з апошніх дакументаў, падпісаных у 2022 годзе.
На жаль, пра змест указа застаецца толькі здагадвацца, нягледзячы на апублікаванне. У невялікім — на паўстаронкі — тэксце ўсяго пяць пунктаў. У якіх сем разоў сустракаюцца словы "для службовага карыстання".
Адзінае, што можна сказаць, — указам уносяцца нейкія змены ў адзін з антыкрызісных указаў Лукашэнкі: №93 "Аб дадатковых мерах па забеспячэнні стабільнага функцыянавання эканомікі". Гэты дакумент быў падпісаны 14 сакавіка як рэакцыя на санкцыі, пад якія Беларусь і Расія патрапілі пасля расійскага ўварвання ва Украіну. Аднак і пра тое, якія змены ўнесены ва ўказ, нам застаецца толькі здагадвацца. Сакрэт.
